I dërguari Special i BE-së për dialogun Kosovë-Serbi, Miroslav Lajçak, ka thënë se sot ka pasur takime dhe diskutime thelbësore me Zëvendëskryeministrin e Parë të Kosovës, Besnik Bislimi.
Lajçak, për diskutime të njëjta nuk ftoi në takim homologun e Bislimit nga Serbia por zgjodhi drejtorin e së ashtuquajturës zyrë për Kosovën në Serbi, Petar Petkoviq.
“Sot, kam pasur diskutime thelbësore të veçanta me Zëvendëskryeministrin e Parë të Kosovës, Besnik Bislimi, dhe me Drejtorin e zyrës serbe për Kosovën, Petar Petkoviç, në lidhje me përgatitjet për takimin e ardhshëm të Dialogut në nivel Kryenegociatorësh në fillim të shtatorit”, ka thënë Lajçak në rrjetin social Twitter.
Today, I had substantive separate discussions with First Deputy Prime Minister of Kosovo, Besnik Bislimi, and with the Director of the Serbian office for Kosovo, Petar Petkovic, about the preparations for the next Dialogue meeting on Chief negotiators-level in early September.
— Miroslav Lajčák (@MiroslavLajcak) August 26, 2021
Takimi i radhës mes kryeministrit të Kosovës, Albin Kurti dhe presidentit serb Aleksandar Vuçiç pritet të mbahet në shtator. Takimi i fundit mes tyre ishte në korrik të këtij viti.
VAZHDO TË LEXOSH MË TEPËR PËR TEMËN
“Mblidhni në një tryezë faktorin shqiptar”
“Larg duart nga Kosova e kosovarëve!”
