Historiani Arben Llalla është ai i cili ka njoftuar me anë të një statusi në Facebook, për praninë e forcave speciale të ushtrisë greke në Bularat.
Njerëzit nga greqia, referuar historianit, ishin të pranishëm në një meshë të mbajtur ditën e sotme në Gjirokastër.
“Sot në kishën e Bularatit janë parë njerëz të ardhur nga Greqia me veshje të forcave speciale të ushtrisë greke. Njeriu me bluzë të zezë është njeri nga forcat greke…”- thotë Arben Llalla.
Mesha në Kishën e Bularatit është zhvilluar një javë nga vrasja e ekstremistit grek Kostandinos Kacifa nga RENEA. Në meshë merrnin pjesë të afërm dhe nëna e 35-vjecarit të ndjerë.
NGJARJA:
Në prag të zhvillimit të festes se Greqisë, e cila si çdo vit u organizua edhe në qendër të fshatit Bularat në Gjirokastër, të shtëna me armë tronditën zonën.
Policia, e cila ishte stacionuar në qendër të fshatit për mbarëvajtjen e festës menjëherë është nisur ne drejtimin nga janë dëgjuar të shtënat, ndërsa identifikoi edhe personin që qëlloi me armë.
Kostandin Kaçifa sapo ka parë shërbimet e policisë që po afroheshin në drejtim të tij ka hapur zjarr me breshëri ndaj punonjësve të policisë duke rrezikuar jetën e tyre.
Fatmirësisht nga të shtënat nuk ka punonjës policie të plagosur, por vetëm është thyer xhami i mjetit të policisë. Policia menjëherë ka rrethuar zonën ku përsëri ky shtetas ka hapur zjarr në drejtim të punonjësve të policisë që po e ndiqnin.
Shtetasi Kostandinos Kaçifa u fut në thellësi të fshatit ku forcat “Shqiponja” dhe shërbimet e tjera të Drejtorisë Vendore të Policisë vijuan krehjen e zonës për të bërë të mundur kapjen e tij.
Në ndihmë të shërbimeve të Policisë së Gjirokastër shkoi dhe nje helikopter i Ministrisë se Brendshme dhe forcat speciale RENEA nga Tirana, të cilat bënë të mundur edhe lokalizimin e autorit.
Por pasi nuk iu pergjigj thirrjes se policisë per t’u dorëzuar, 35-vjecari qëllonte me armë zjarri, ndërkohë që mbeti i vrarë.
VAZHDO TË LEXOSH MË TEPËR PËR TEMËN
Babai i Kaçifas dy orë te Krimet e Rënda, pyetet për vrasjen e të birit
E hëna greke/ Kaçifas ballina e çdo gazete
Athinë/ Nisin zyrtarisht hetimet për vrasjen e Kacifas
