Mbi 30 mijë doza vaksina Pfizer kanë mbërritur në vendin tonë. Ministrja e Shëndetësisë, Ogerta Manastirliu thotë se deri tani numri total i vaksinave anti-Covid ka shkuar në 1 milion e 950 mijë.
“31,590 doza të vaksinës Pfizer mbërritën pak minuta më parë në Aeroportin “Nënë Tereza”, duke e çuar në mbi 1 milion e 950 mijë numrin e vaksinave anticovid të mbërritura”, shkruan në Facebook Manastirliu.
Ajo i bën apel qytetaëve që të vaksinohen, duke shfrytëzuar mundësinë e muajit të hapur të vaksinimit.
“Vaksinohuni, vaksinohuni, vaksinohuni, qendrat shëndetësore dhe qendrat e vaksinimit të përqëndruar janë të hapura çdo ditë, ku çdo qytetar +18 vjeç mund të vaksinohet pa kufizim, mjafton karta e identitetit”, thotë ministrja.
Kujtojmë që në vendin tonë prej disa ditësh numri i personave të infektuar me Covid është rritur ndjeshëm. Në 24 orët e fundit ministria raportoi për 4 humbje jete dhe 853 raste te reja.
VAZHDO TË LEXOSH MË TEPËR PËR TEMËN
“Vaksinat e para të Covax vijnë në shkurt, kemi parapaguar 4 milionë $”
Manastirliu flet për marrëveshjen me Pfizer: Ishte përpjekje e pandaluar për…
