Nga të gjitha karakteristikat e Diellit, njollat e tij janë edhe ato më të njohurat për ne. Ato janë dalluar përpara shpikjes së teleskopit dhe dikush i referoheshin si “zogj që fluturojnë”.
Por, sigurisht nuk ka zogj që fluturojnë pranë Diellit, ndryshe do të shndërroheshin në mish të pjekur. Temperatura në sipërfaqen e Diellit ose siç njihet ndryshe, fotosfera, shkon deri në 6.100 gradë Celsius. Ndërsa njollat e tij arrijnë deri në 4.400 gradë Celsius, pra cilësohen si më të ftohta, ndaj dhe duken më të errëta pasi kontrastojnë me pjesën tjetër të sipërfaqes.
Origjina e tyre është ende e panjohur, por njollat diellore kanë fusha të fuqishme magnetike dhe duken si stuhi gjigande solare. Stuhia e parë diellore është dëshmuar më 1 Shtator 1859 nga Richard C. Carrington, i cili pa një gejzer me gazra të nxehtë në sipërfaqen e Diellit, të shkaktuar nga një shpërthim i papritur energjie. Nga kjo, u bë një lidhje midis shpeshtësisë së njollave dhe madhësisë së stuhive. Ato ndodhen në përpjestim të drejtë; sa më shumë njolla, aq më të mëdha stuhitë.
Njeriu që zbuloi ciklin solar ishte Heinrich Schwabe. Cikli diellor zgjat 11 vjet, gjatë këtyre viteve aktiviteti i stuhive arrin maksimumin e tij dhe fusha magnetike kthehet në anën e kundërt. Më pas, Dielli kthehet sërish në minimum përpara se të nisë cikli i radhës. Që prej asaj kohe, çdo gjë që mund të mendohet është shqyrtuar lidhur me ciklin 11-vjeçar: bursa, luftërat, epidemitë, çmimi i uiskit e deri te pjelloria e kafshëve me gëzof në Kanada!
VAZHDO TË LEXOSH MË TEPËR PËR TEMËN
10 shpikjet që do të ndryshojnë stilin tonë të jetesës
Teleskopi më i madh i Evropës kap imazhe mahnitëse të diellit
