Tre ditë pas arrestimit Gjykata ka vendosur të lërë në burg 30-vjeçarin Hektor Xheçuka.
Ai ka dalë sot para gjykatës për masën e sigurisë me akuzën për vrasjen e Emiljano Boçit si dhe plagosjen e shokut të tij Melvin Disha në Tiranë, ngjarje e ndodhur më 16 janar 2017.
Xhecuka ka qenë për më shume se 6 muaj në hetim.
Gjatë kësaj kohe, ai ka jetuar në një banesë me qira në zonën e ‘21 dhjetorit’. Gjatë këtyre muajve mësohet se ai ka dalë ilegalisht disa herë nga Shqipëria në Kosovë dhe në Greqi.
30-vjeçari u arrestua në pikën e kalimit kufitar të Kakavijës tek kufiri i gjelbër tre ditë më parë, ndërsa nuk kishte asnjë send të paligjshëm me vete.
Policia i sekuestroi 2 telefona të cilëve po u kryhet ekspertiza.
I arrestuari nuk ka pranuar akuzën para policisë dhe ka thënë se: ‘nuk kam lidhje me ngjarjen’.
Policia dyshon se i riu është vrasës me pagesë dhe po heton për disa ngjarje kriminale.
VAZHDO TË LEXOSH MË TEPËR PËR TEMËN
