Tekstet e këngëve nga artistët shqiptarë gjithnjë e më shumë po diskutohen e kritikohen për mesazhe dhe kuptimin. Edhe së fundmi në televizionin ATV, në programin “Context” tema kryesore ishte “Kufijtë seksistë”.
Gjatë emisionit moderatori Leart Hoxha përmendi dy projekte muzikore nga të dy artistët Getinjo dhe Don Xhoni. Learti tha së në këngën “Lavire” të Getinjos dhe një nga këngët e Don Xhonit ku ai i referohet gruas si “bitch”, denigrohet figura e gruas.
Pasi deklarata e tij bëri xhiron e rrjetit, reperët kanë reaguar me anë të disa postimeve. Don Xhoni përmes një postimi në Instastory ka thënë se ai është një artist dhe kjo është mënyra se si ai e shpreh artin e tij.
Ndëkorhë, reagim pati edhe nga ana e Getinjos që shkruan se muzika e tij nuk shtyn të bëjë askënd diçka të cilën nuk do ta bënte edhe pa dëgjuar një këngë të tij.
