Kryeministri Edi Rama, duke iu referuar arkivimit të hetimeve nga Prokuroria e Katanias për ish-ministrin e Brendshëm Tahiri, Rama tha se, precedenti duhet të shërbejë si mësim i madh.
“I duhet kërkuar ndjesë (Tahirit) se akuzat rezultuan ashtu siç ishin, një llumë. U kërkua të arrestohet një deputet nga ajo që erdhi në formë llumi në parlament.
Qëndrimi i PS ishte i drejte që refuzoi arrestimin. Imagjinoni që të pranimin arrestimin në bazë të llafeve të disa kriminelëve. Ky është mësimi i madh për ata që përdorin përgjimet për të arrestuar njërin apo tjetrin”, ka thënë Rama.
Lidhur me rikthimin e Saimir Thairin në PS, Rama jep një përgjigje të prerë.
“S’flas me nëse dhe për sa i përket procesit që ka në Shqipëri s’kam koment. Problemet e çdo individi në PS me drejtësinë janë individuale, një familje, një organizatë, nuk gjykohet nga kjo gjë, por nga mënyra si reagon.
U desh që të vinte PS në qeveri që të vihej ky standard. U kërkua që të arrestohej, dhe nuk pati asnjë akuzë. Prokuroria italiane provoi sa i drejtë ishte vendimi i PS, që refuzoi arrestimin e një deputeti në bazë të llafeve të disa kriminelëve.
Ky është një mësim i madh. Sot ai është në një proces, ta çojë deri në fund. U shpreha për përgjimet, që ngritët tërë atë vorbull nëpër kazanë dhe rezultoi një vorbullë. Nuk më intereson kjo, më intereson ajo që një mal me baltë u hodh për llafet e disa kriminelëve.
Italia ka folur për atë pjesë, për të cilën u kërkua arrestimi”.
Më tej Rama në deklaratën e tij duke iu referuar ‘të fortëve’ thotë:
“Këta që hanë kokën e njeri-tjetrit, ta hanë dhe mos u ngopshin,
Këta që bëjnë të fortët do zhduken, jo fizikisht. Nuk do jenë më shqetësim për njerëzin në amjentet publike”, tha Rama.
VAZHDO TË LEXOSH MË TEPËR PËR TEMËN
“Tahiri”/ Fati i dosjes vendoset në shtator
“Tahiri”/ Drejt mbylljes hetimet për dosjen
