Nga: Aurenc Bebja*, Francë
“Times-Gazette” ka botuar, të premten e 9 gushtit 1929, në faqen n°7, një shkrim në lidhje me sigurinë ndaj mbretit Zog kur ai rruhej nga berberi i tij italian, të cilin, Aurenc Bebja, nëpërmjet Blogut “Dars (Klos), Mat – Albania”, e sjell për publikun shqiptar:
Rojet shoqërojnë mbretin Zog te berberi
“Tiranë, Shqipëri – Berberi i mbretit ka një punë delikate
Një i ri i pashëm është berberi i mbretit Zog, me flokë të dendur e të zinj, me mustaqe spic sipas modës dhe me “hijeshinë e vetullave të ngjitura njëra me tjetrën”.
Thuhet se ai, jo vetëm ishte i “garantuar” si fashist i vërtetë, nga Musolini, por edhe se Zogut ia kishte prezantuar personalisht, vetë Musolini.
Pavarësisht nëse kjo është e vërtetë apo jo, Giuseppe Falgari është shërbëtori më i paguar i mbretit Zog. Ai merr, përveç bordit dhe akomodimit, një “pagë” prej 175 dollarësh në muaj, si dhe një tarifë ditore prej 4 dollarësh, kur rruan mbretin.
Ndoshta kjo kompenson çdo humbje të dinjitetit që mund të ndiejë Giuseppe, kur dy rojet e armatosura qëndrojnë pranë gjatë kohës që mbreti është aty.
Mbreti shqiptar nuk rrezikon dhe këta kalorës mbrojtës të këtij të fundit, si të thuash, janë gjithmonë në gatishmëri për operacionin e përditshëm.”
*Burimi: Blogu © Dars (Klos), Mat – Albania
VAZHDO TË LEXOSH MË TEPËR PËR TEMËN
“Atentati ndaj Zogut në Vjenë: Kush ishte baronesha De Janko?..”
“Atentati ndaj Zogut komplot i refugjatëve në Jugosllavi”
“Mbreti i donte gratë të arsimuara dhe asnjë zyrtar të paaftë”
