Sipas mediave bullgare, ish-kryeministri i Maqedonisë, Nikolla Gruevski, mendohet se ka ndërruar destinacion dhe është larguar nga Hungaria.
Sipas mediave bullgare, këtë informacion e ka dhënë një zyrtar i lartë i VMRO-DPMNE-së. Sipas mediave destinacioni i Gruevskit mund të jetë në Rusi ose në Turqinë.
Ndërkaq dje mediat hungareze thanë se Nikolla Gruevski është arratisur të mërkurën, me aeroplanin e oligarkut të afërt me kryeministrin e Hungarisë, Viktor Orban.
Qeveria e Hungarisë, përmes një kumtese i ka hedhur poshtë të gjitha informacionet, se gjoja i ka ndihmuar ish-kryeministrit Nikolla Gruevski për tu arratisur nga Maqedonia.
Në kumtesë, qeveria hungareze nuk ka dhënë asnjë koment lidhur me informacionet ku thuhet se diplomatët hungarez i kanë ndihmuar Gruevskit, që të kalojë nëpër tre shtete. /Konica.al/
VAZHDO TË LEXOSH MË TEPËR PËR TEMËN
Arratiset Gruevski?
Gruevski u arratis nga Shqipëria
Aksion policor për arrestimin e Gruevskit
