Ylli i “Keeping Up With The Kardashians”, Kylie Jenner dhe i dashuri i saj, Travis Scott kanë ndryshuar emrin e djalit të tyre.
Kylie lindi fëmijën e saj të dytë më 2 shkurt 2022 dhe fillimisht zbuloi se e kishte quajtur djalin, Wolf Webster – por tani ajo ka postuar një ‘story’ në “Instagram” për të njoftuar se ka ndryshuar mendim.
“Për informacionin tuaj emri i djalit tonë nuk është më Wolf [emoji duke qeshur]. Ne nuk ndiheshim sikur ishte ai. Doja ta ndaja sepse vazhdoj ta shoh emrin Wolf kudo [duke u lutur emoji]. ” – kishte shkruajtur Jenner.
Pavarësisht kësaj, Jenner – e cila gjithashtu është mamaja e një vajze, Stormi – nuk ka treguar asnjë detaj në lidhje me emrin e ri të djalit të saj, duke e mbajtur këtë pjesë të fshehtë për publikun.
Ditën e djeshme Jenner ka ndarë pamje nga shtatzënia e saj dhe ardhja e foshnjës në jetë në një video në “YouTube” të titulluar “To Our Son” të postuar më 21 mars.
Jenner dokumentoi të gjithë udhëtimin e saj, që nga momenti kur mësoi se do të kishte djalë, deri tek reagimi i familjarëve të saj kur morën vesh për lajmin e ëmbël.
Rikujtojmë se emri “Wolf është emri i një djali me origjinë gjermane”, sipas ‘NameBerry’, ndërsa ‘OhBabyNames’ vëren se, “Shumica e etimologëve besojnë se emri rrjedh nga një pseudonim, mbajtësit e të cilit konsideroheshin njerëz të egër dhe dinakë”.
VAZHDO TË LEXOSH MË TEPËR PËR TEMËN
Kylie Jenner bëhet nënë për herë të dytë
