Padia miliona dollarëshe e Johnny Depp për shpifje kundër ish-bashkëshortes Amber Heard do të mbahet në një gjykatë në Virxhinia.
Ish-çifti i fuqishëm i Hollivudit pritet që të japë dëshmi personalisht në gjyq. Figura të profilit të lartë, duke përfshirë James Franco, Paul Bettany dhe Elon Musk, janë planifikuar të japin dëshmi gjithashtu.
Depp po padit ish-partneren e tij për shpifje lidhur me një shkrim të vitit 2018 që ajo shkroi në Washington Post, në të cilin ajo diskutoi përvojat e saj të abuzimit në familje.
Avokatët e aktorit thonë se artikulli në mënyrë të rreme nënkupton që zonja Heard, 35 vjeçe, ishte abuzuar fizikisht dhe seksualisht nga Depp kur ata ishin të martuar.
Depp, 58 vjeç, ka thënë se akuzat e kanë bërë të vështirë për të që të marrë rolet që kishte dikur.
Pjesa titullohej: Unë fola kundër dhunës seksuale dhe u përballa me zemërimin e kulturës sonë. Kjo duhet të ndryshojë. Artikulli nuk e përmend Z. Depp me emër.
Avokatët e zonjës Heard pritet të argumentojnë se ajo duhet të jetë e imunizuar nga padia për shpifje për shkak të një ligji të Virxhinias i njohur si një dispozitë “anti-Slapp” (Padia Strategjike kundër Pjesëmarrjes Publike).
Dispozita është krijuar për të mbrojtur njerëzit nga paditë kur ata flasin për çështje me interes publik.
Avokati i zonjës Heard, Elaine Bredehoft, ka argumentuar se artikulli trajton një çështje shumë serioze me shqetësim publik: parandalimin e dhunës në familje.
Aktorja gjithashtu ka paraqitur një kundërpadi për shpifje kundër Depp për shkak të deklaratave që avokati i Depp bëri për të.Padia, që zhvillohet në Gjykatën e Qarkut “Fairfax”, kërkon 50 milionë dollarë (38.2 milionë £) si dëmshpërblim.
Kjo vjen pasi Depp humbi një rast të ngjashëm shpifjeje në UK, të cilin ai e ngriti kundër botuesve të gazetës “The Sun, News Group Newspapers” (NGN)
VAZHDO TË LEXOSH MË TEPËR PËR TEMËN
Depp kërkon 50 mln dollarë nga ish-gruaja
Johnny Depp: Amber i ka pikturuar shenjat në trup
