Kryeministri i ri i Malit të Zi, Dritan Abazoviç i ka falënderuar kryeministrin e Kosovës, Albin Kurti, presidenten Vjosa Osmani si dhe kryeministrin e Shqipërisë, Edi Rama, të cilët e uruan për detyrën e re.
Abazoviç publikoi një kolazh me fotografitë e liderëve botërorë e rajonalë të cilët e uruan, raporton Express.
“Në 10 ditët e fundit kam marrë një numër të madh urimesh nga e gjithë bota, nga shumë presidentë shtetesh, kryetarë parlamentesh, kryeministra, deputetë, diplomatë, komuniteti shkencor, akademik dhe i biznesit, sektori i OJQ-ve dhe mediave. Faleminderit të gjithëve për urimet tuaja!”, shkroi ai.
Abazoviç premtoi marrëdhënie miqësore me të gjitha shtetet fqinje.
“Premtojmë se do të punojmë në interes të qytetarëve, për Malin e Zi evropian dhe ekologjik, i cili do të zhvillojë marrëdhënie miqësore me të gjithë shtetet fqinjë!”, shkroi ai.
Dritan Abazoviç u zgjodh kryeministër i Malit të Zi më 28 prill.
VAZHDO TË LEXOSH MË TEPËR PËR TEMËN
Abazoviç prezanton programin e punës së Qeverisë së re
Abazoviç, kryeministri i tretë shqiptar në Ballkan?
Abazoviç: Formohet qeveria e re në Malin e Zi!
