Kush mund t’i japë fund luftës së pakuptimtë në Ukrainë? Është një listë shumë e shkurtër.
Nr. 1: Presidenti rus Vladimir Putin.
Nr. 2: Vladimir Putin.
Nr. 3: Putin.
Vazhdon lista dhe është Putin deri në fund. Ai filloi luftën. Vendosi deri në 190,000 trupa për të pushtuar fqinjin e tij në shkurt.
Kombet në mbarë botën iu lutën atij që të mos kryente sulmin më të madh të paprovokuar në Evropë që nga Lufta e Dytë Botërore. Ai e shpërfilli këshillën dhe gjithsesi pushtoi.
Tani, vetëm ai mund ta ndalojë këtë tmerr.
Megjithatë, në mënyrë të çuditshme, udhëheqësit duket se mendojnë se Shtetet e Bashkuara dhe aleatët e saj kanë fuqinë për t’i dhënë fund masakrës.
Nga Henry A. Kissinger te Katrina vanden Heuvel (një kolumniste e Postës) , te Senatori Rand Paul (R-Ky.), kanë thënë ditët e fundit se rezistenca ukrainase, e mbështetur nga aleatët, në njëfarë mënyre po shkon në rrugën e një armëpushimi.
Kjo është marrëzi.
Që nga java e parë e luftimeve, presidenti ukrainas Volodymyr Zelensky i ka ofruar vazhdimisht Rusisë kushtet e armëpushimit. Zelensky kërkoi vetëm që Rusia të kthehej në pozicionin e saj para pushtimit dhe të angazhohej të respektonte sovranitetin ukrainas. Ukraina do të ndalonte integrimin e saj në Evropën Perëndimore dhe anëtarësimin e plotë në NATO.
Forcat e Putiit kanë zhvilluar luftë të pamëshirshme dhe pa dallim kundër qendrave civile për tre muaj, mr përdhunime, plaçkitje, rrëmbime dhe vrasje.
Megjithatë, kushtet e propozuara nga Zelensky do ta lejonin Putinin të kthehej në status quo-në para pushtimit duke mos humbur asgjë përveç prestigjit të kombit të tij.
Pa dyshim, Kissinger dhe shoqëria janë të motivuar nga një dëshirë për t’i dhënë fund kësaj dhune të tmerrshme – dhe kërcënimit të përshkallëzimit të mëtejshëm – sa më shpejt të jetë e mundur.
Por ata mbivlerësojnë aftësinë e Perëndimit për të vendosur kushte ndaj ukrainasve.
E gjithë bota u befasua nga patriotizmi i Zelenskit dhe popullit të tij kur filloi pushtimi. Ai patriotizëm nuk do të zhduket vetëm sepse urdhëron Uashingtoni, Berlini ose Brukseli.
Njerëz të tillë do të vendosin vetë se kur të ndalojnë së luftuari.
Më e rëndësishmja: Putini nuk dëshiron paqe.
Ai ka bërë përpjekje të jashtëzakonshme për të shmangur paqen. Ai ka paguar – dhe vazhdon të paguajë – një çmim marramendës për t’i rezistuar paqes.
Edhe pse fuqia e tij ushtarake po bie dhe ekonomia e tij po dobësohet, Putini refuzon bisedimet për armëpushim. Diplomatët i janë lutur të negociojë, por ai kurrë nuk është i ka marrë seriozisht.
Në vend të kësaj, Putini ka kaluar nga plani A i dështuar (një sulm i pafat që synonte të rrëzonte qeverinë në Kiev dhe të pushtonte të gjithë kombin) në planin B të dështuar (një lëvizje e dështuar për të përgjysmuar forcat ukrainase dhe për të siguruar jugun dhe lindjen për Rusinë).
Këto përpjekje të dështuara i kanë kushtuar shtrenjtë Putinit.
Në vend që të negociojë një armëpushim, ai ka preferuar të shohë qindra tanke ruse të shkatërruara, forcat ajrore ruse të poshtëruara, anijen e flotës ruse të Detit të Zi të fundosur, dhjetëra mijëra ushtarë rusë të vrarë dhe të plagosur, shkatërrimin e Komandës së lartë ruse, dhe pasojat e rënda ekonomike.
Pak perëndimorë e kuptojnë më mirë Rusinë dhe Ukrainën sesa Timothy Snyder, i vlerësuar me çmime “Bloodlands”. Kohët e fundit ai tha:“Disa vëzhgues të luftës ruso-ukrainase duket se mendojnë se rreziku më i madh i saj është se Ukraina do të fitojë, dhe se kjo do të jetë e pakëndshme për Putinin dhe se ne duhet të bëhemi gati. Kjo është një mënyrë thellësisht perverse për t’i parë gjërat.” Shkatërrimi, krimet gjenocidale – “këto janë llojet e gjërave për të cilat duhet të shqetësohemi, jo vetë-imazhi i Putinit”.
Putini do t’i japë fund luftës vetëm kur të vendosë se nuk ka zgjidhje tjetër. Prandaj, Ukraina duhet të luftojë.
Burimi: The Washington Post
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
“‘Gjeni rubla’ nëse doni naftë, drithëra ose metale nga ne!”
