Ditën e sotme banorët e Unazës së Re, zhvilluan një protestë të dhunshme para Kuvendit të Shqipërisë, bazuar në aktet të cilat lënduan forcat policore si dhe protestues e qytetarë.
Banorët e Unazës së Re tentuan të hynin me forcë në këtë institucion.
Pas kësaj dite plot zhvillime ka ardhur dhe lëvizja nga ministri i Brendshëm Sandër Lleshi.
Mësohet se Lleshi ka thirrur në një takim nëndrejtoreshën e Policisë së Shtetit Aida Hajnaj, drejtorin e Forcave Lëvizese Operacionale Sokol Bizhga (i cili mbeti i lënduar në shpatull gjate protestës), drejtori i Policisë së Tiranë Kastriot Skenderaj si dhe drejtori i Rendit, Gjovalin Loka.
Ministri i Brendshëm ka marrë informacion të detajuar mbi atë çka ndodhi para Parlamentit dhe ka shprehur kritika në menaxhimin e protestës ku të dëmtuar mbeten 15 punonjës policie, mes tyre 2 më rëndë.
Po ashtu të plagosur mbetën edhe tre protestues.
VAZHDO TË LEXOSH MË TEPËR PËR TEMËN
Protesta para Kuvendit/ Prokuroria nis hetimet
Protestë para Kuvendit/ Thirrje qytetarëve dhe opozitës
Protesta/ Reagon Rama: Distancohuni nga dhuna
