Vera nuk është vetëm stina e preferuar e të rriturve. Është edhe e fëmijëve dhe jo rastësisht, lidhet edhe me vitet tona të fëmijërisë. Në fund të fundit është koha e pakujdesisë, e shkujdesjes dhe e lojës pa fund, pasi nuk ka detyrime shkollore.
Megjithatë vera mbart edhe disa rreziqe për fëmijët dhe prindërit duhet të jenë të kujdesshëm.
Shikoni më poshtë se cilët janë ata:
Dielli
Dielli i nxehtë mund të shkaktojë probleme tek fëmija, sidomos kur ai është i ekspozuar ndaj tij, si për shembull në det. Prandaj nuk duhet të harroni t’i jepni fëmijës krem kundër diellit me indeks të lartë mbrojtjeje, të paktën gjysmë ore para plazhit ose përpara se të dilni për të luajtur. Gjithashtu për një mbrojtje edhe më të mirë, vishni kapelën e tij dhe syzet e diellit.
Temperaturat e larta
Në këtë rast mbajeni fëmijën sa më shumë në hije dhe jepini lotim të shpeshtë. Shmangni ecjen në ditët e nxehta dhe nëse keni kondicioner mos e teproni sepse ndryshimet e papritura të temperaturës janë po aq të rrezikshme për shëndetin e tij.
Plazhi
Është vendi i preferuar i të rinjve dhe të mëdhenjve në verë, ku kalojmë shumë orë. Megjithatë, edhe këtu ka nevojë për vëmendje dhe madje shumë. Pa kujdesin e nevojshëm, si lodrat me rërë ashtu edhe deti janë të rrezikshme për një fëmijë.
Sheshi i lojërave
Edhe në parkun apo këndin e lojërave ku do të shkoni për të luajtur, ka rreziqe. Sidomos për fëmijët më të vegjël. Ndaj shpjegojini fëmijës se është e rëndësishme të luajë me kujdes që të mos godasë por edhe të shmangë vrapimin dhe lojën pranë sendeve të mprehta.
Gjithashtu tani me koronavirusin, mos harroni të keni gjithmonë me vete antiseptik, peceta dhe shishen e tij me ujë në mënyrë që të mos pijë ujë nga një rubinet i përbashkët.
VAZHDO TË LEXOSH MË TEPËR PËR TEMËN
A duhet të vendosni krem dielli tek foshnjat?
Çfarë tregojnë dhimbja apo kruajtja e veshit?
