Stomaku dhe i gjithë sistemi tretës i fëmijëve është mjaft i ndjeshëm dhe nuk mund të pranojë çdo lloj ushqimi. Procesi i pjekurisë së sistemit tretës bën që fëmija të mos jetë i gatshëm për pranimin e disa ushqimeve të caktuara gjatë viteve të para të jetës së tij. Këto janë ushqimet të cilat fëmijët nuk duhet ti konsumojnë deri në moshën 2-vjeçare:
1.Lëngjet e paketuara
E mira është që të evitohen dhe të përgatiten në shtëpi, në mënyrë që të shmanget përmbajtja e lartë e sheqerit dhe komponentëve të tjerë të dëmshëm për shëndetin e fëmijës.
2.Bombonet
Kanë një përmbajtje të lartë të sheqerit, gomë, ngjyra dhe substanca të tjera të panevojshme për fëmijët e kësaj moshe. Këto sheqerna mund të ndikojnë në gjenerimin e obezitetit tek fëmijët dhe prishjen e dhëmbëve të tyre.
3.Ëmbëlsirat
Kanë përmbajtje të lartë të yndyrnave më të dëmshme dhe vajra jo të shëndetshme palme apo vajra kokosi, si dhe përmbajtje të lartë të sheqerit.
4.Mjalti
Mund të jetë i kontaminuar nga baktere e cila është përgjegjëse për transmetimin e botulizmit. Për më tepër, sistemi imunitar i fëmijës është ende në zhvillim dhe mund ti shkaktoj alergji të polenit.
5.Frutat e thata
Janë ushqime të cilat mund të shkaktojnë alergji. Arrat, kikirikët, bajamet, kanë përmbajtje alegjene tepër të lartë.
6.Pijet freskuese
Kanë përmbajtje të lartë të kafeinës, sheqerit dhe aditivëve kimik të cilët mund të shkaktojnë dëmtime intestinale dhe gastrite tek fëmijët.
7.Peshku shpat dhe toni i kuq
Janë peshq me përmbajtje të lartë merkuri dhe fëmijët nuk duhet t’i konsumojnë ato deri në moshën 3-vjeçare.
8.Konservat
Përmbajnë shumë kripë dhe shumë konservantë në mënyrë që të kenë afat më të gjatë të përdorimit.
9.Sallamrat
Kanë përmbajtje të lartë yndyre dhe kripë.
VAZHDO TË LEXOSH MË TEPËR PËR TEMËN
Lija e ujit tek fëmijët, si trajtohet?
