Pas 5 fitoreve radhazi në Premier League, Arsenal është mposhtur në transfertë. Ishte Manchester United që fitoi 3-1 në “Old Trafford”, duke regjistruar fitoren e katërt radhazi dhe qëndrua kështu me pretendime madhore.
Afrimi i fundit i Manchester United rezultoi një goditje e vërtetë. Antony debutoi me gol në përballjen me Arsenal që është duke u luajtur në “Old Trafford”. Sulmuesi që u zyrtarizua te “Djajtë e Kuq” në ditën e fundit të merkatos, shënoi në minutën e 35’ pas një asisti nga Rashford.
Epërsia e Manchester United zgjati deri në minutën e 60-të, pasi Saka realizoi për “Topçinjtë”, të cilët deri në ato momente po e dominonin sfidën, 1-1. Vetëm pesë minuta më vonë, “Djajtë e Kuq” rikthyen avantazhin me Rashford, që nuk fali përballë portierit pas një asisti të dhënë nga Bruno Fernandes.
Ndërsa në 75’ pas një sulmi të shpejtë të “Djajve të Kuq”, Eriksen tregohet altruist, duke pasuar për Rashford, që vetëm mund ta shtynte topin drejt rrjetës. Ronaldo hyri në fushë në minutën e 58’ në vend të Antony, por pa mundur të realizojë edhe në këtë sfidë.
VAZHDO TË LEXOSH MË TEPËR PËR TEMËN
Haaland nuk mjafton, ndalet Manchester City
Broja luan mbi 30 minuta, përmbys Chelsea
