Bylis i shkakton humbjen e parë sezonale Erzenit, teksa e mposhti 4-1 në stadiumin “Adush Muça”. Shijakasit nuk kishin pësuar asnjë gol në 5 ndeshje, ndërsa pësojnë 4 të tillë në vetëm një.
Në fillimin e takimit, ballshiotët vendas marrin epërsinë. Një krosim fantastik gjen Lajthinë, i cili me kokë nuk fal. Në minutën e 23-të, po në zhvillimet e një goditje këndi vjen dyfishimi i rezultatit. Kaçorri përfiton pas një rrëmuje në zonë, duke çuar në festë tifozërinë.
Erzeni vuajti dukshëm me topat nga ajri, teksa pëson edhe të 3-tin (58’). Portieri Xhika nuk arrin të zotërojë një top që vjen prej një krosimi, me Bejin që e ka lojë fëmijësh të “tundë rrjetën”.
Ekipi nga Shijaku “zgjohet” në minutën e 71-të me Enock, por tepër vonë, pasi fati i takimit ishte i vendosur tashmë. Në fund pati kohë edhe për Souzan. Pas gjashtë javësh kampionat, Bylis dhe Erzenit kanë të njëjtën kuotë pikëshm 11, dhe zënë përkatësisht vendi ne dytë dhe të 3-të.
VAZHDO TË LEXOSH MË TEPËR PËR TEMËN
