Lazio ka bindur në javën e tetë të Serie A, duke fituar thellë në shtëpi 4-0 ndaj Spezia-s. Një fitore që e ngjit në vendin e dytë me pikë të barabarta me Atalantën dhe Milanin, me bergamaskët që kanë një ndeshje më pak.
Shansin e parë për Lazion e ka Ciro Immobile që shpërdoron një 11-metërsh në minutën e tretë. Më pas megjithatë, është Zaçagni që prish ekuilibirat e takimit duke i çuar shifrat në 1-0.
Në minutën e 24-t është Romagnoli që shënon golin e dytë për Lazion dhe e mbyll pjesën e parë në avantazh të dyfishtë për kryeqytetasit. Në pjesën e dytë, është Milinkovic Savic që mendon për të vulosur takimin.
Mesfushori serb realizon në minutën e 62 duke e çuar rezultatin në 3-0. Në fundin e takimit pokeri plotësohet po nga Milinkovic Savic që realizon pas një asisti të Elseid Hysaj.
VAZHDO TË LEXOSH MË TEPËR PËR TEMËN
Milan zhvlerëson golin e Bajramit, shënon dy herë pas 92’
Roma tregon ambiciet, përmbys Interin brenda në “Meazza”
