“All I Want for Christmas Is You” nga Mariah Carey është padiskutim ‘himni’ i Krishtlindjes.
Edhe pse ka vite që kjo këngë është publikuar, sërish degjohet edhe sot e kësaj dite. Por sa fiton Mariah Carey cdo vit nga dëgjimi i këngës në periudhën e Krishtlindjes?
Këngëtarja grumbulloi plot 60 milionë dollarë nga viti 1994 deri në vitin 2016. Mirëpo, që nga viti 2019, ajo fiton midis 600,000 dhe 1 milion dollarë çdo dhjetor.
Kujtojmë se më herët, Mariah Carey u padit me minimumi 20 milionë dollarë për shkelje të të drejtave të autorit nga Andy Stone për këngën e saj të famshme “All I Want for Christmas”. Kantautori pretendon se ai shkroi dhe regjistroi një këngë të quajtur “All I Want For Christmas Is You” përpara se Carey të publikonte këngën e saj me të njëjtin emër që do të hynte në histori.
Sipas padisë së siguruar nga TMZ, Stone beson se kënga e tij ka frymëzuar atë të Carey dhe ai dëshiron një pjesë të fitimeve të saj. Ai regjistroi këngën e tij në 1989 në Nashville, dhe grupi Vince Vance & The Valiants e regjistroi atë dhe madje realizoi një videoklip.
Stone pretendon se pati një transmetim të gjerë dhe ishte në listat e Billboard në 1993 gjatë sezonit të Krishtlindjeve. Carey e publikoi këngën e saj vitin e ardhshëm.
Carey dhe Walter Afanasieff thuhet se bashkë-shkruajtën këngën në 15 minuta për të zhvilluar melodinë, strukturën e këngës dhe akordet. Ajo u kompozua plotësisht në vetëm pak orë, sipas NY Post.
Padia kërkoi që Carey dhe Afanaseiife të pushonin dhe të ndalonin shpërndarjen e mëtejshme të këngës.
“Pavarësisht kërkesës së paditësit, të pandehurit vazhdojnë të shfrytëzojnë veprën e tij “All I Want for Christmas is You”, duke korrur shpërblime të jashtëzakonshme financiare dhe përfitime të tjera në dëm të paditësit,” thuhej në NY Post.
VAZHDO TË LEXOSH MË TEPËR PËR TEMËN
Mariah Carey po na përgatit që tani për Krishtlindje!
