Ish deputeti i Partisë Socialiste, Alqi Bllako akuzohet nga SPAK se gjatë kohës që ka qenë sekretar i Përgjithshëm i Ministrisë së Mjedisit ka favorizuar shoqërinë koncensionare “Integrated Technology Waste Treatment Fier” kundrejt përfitimit të paligjshëm që ka marrë në mënyrë jodirekte në shumën prej 14.9 milionë lekë.
Sipas dosjes së SPAK Bllako ka punësuar babain e tij drejtor kantieri në inceneratorin e Fierit me një pagë mujore prej 6 mijë euro, pagë të cilën e ka marrë nga tetori 2018 në janar 2020.
DOSJA E SPAK
Nga hetimet e kryera kanë rezultuar të dhëna se nga ana e shtetasit Alqi Bllako, gjatë kohës që ka shërbyer në fillim me funksionin e lartë shtetëror, Sekretar i Përgjithshëm i Ministrisë së Mjedisit dhe më pas Drejtor i Përgjithshëm i Agjencisë Kombëtare Ujësjellës Kanalizime dhe Infrastrukturës së Mbetjeve (AKUM), është favorizuar shoqëria koncesionare “Integrated Technology Waste Treatment Fier” sh.p.k., kundrejt propozimit dhe marrjes në mënyrë të tërthortë të përfitimit të parregullt në shumën prej 14,964,900 (katërmbëdhjetë milion e nëntëqind e gjashtëdhjetë e katër mijë e nëntëqind) lekë. Kjo vlerë përfitimi është siguruar në trajtën e pagës së dhënë babait të tij, Edmond Bllako, duke e paraqitur si i punësuar “Drejtor Kantieri” tek shoqëria koncesionare e ndërtimit të Inceneratorit të Tiranës “Integrated Energy BV SPV” sh.p.k, në pagën mujore 6000 (gjashtë mijë) euro, pagesa të realizuar për periudhën tetor 2018 deri në janar 2020.
Rezulton se administratorët e shoqërisë koncesionare “Integrated Energy BV SPV” (ku edhe këtu shtetasi Alqi Bllako ka patur rolin e tij në funksionin e Sekretarit të Përgjithshëm të Ministrisë së Mjedisit) nëpërmjet veprimeve të kundraligjshme të tyre, e kanë pasqyruar si të punësuar shtetasin Edmond Bllako, duke bërë pagesa fiktive për shtetasin Edmond Bllako, ndërkohë që rezulton e provuar se këto pagesa janë përfitime të parregullta nga shtetasi Alqi Bllako.
VAZHDO TË LEXOSH MË TEPËR PËR TEMËN
Lirohet nga qelia ish-deputeti i PS Alqi Bllako
Alqi Bllako do të merret në pyetje sot nga SPAK
Shtyhet seanca gjyqësore ndaj ish-deputetit të PS, Alqi Bllako
