Pas skandalit me Katarin ku u përfshinë disa eurodeputetë të Parlamentit Europian, përfshi edhe nënkryetaren Eva Kaili, duket se PE po merr masa për të adresuar siç duhet çështjet e korrupsionit.
Lajmin e bëjnë të ditur mediat e huaja, sipas të cilave Parlamenti Europian ka hedhur sot në votim amendamentin e deputetes së majtë franceze, Leïla Chaibi, mbi bazën e të cilit pezullohet projekti legjislativ për liberalizimin e vizave për Katarin bashkë me marrëveshjen e aviacionit BE-Katar. Ata kërkojnë gjithashtu që të pezullohet qasja në Parlamentin Evropian e të gjithë përfaqësuesve të interesave të Katarit, derisa hetimet gjyqësore të japin informacionin dhe sqarimet përkatëse.
Megjithatë, të paktën për linjat ajrore, vendimi i Parlamentit do të ketë pak ndikim, pasi marrëveshja me Katarin tashmë është në fuqi. Eurodeputetët marrin miratimin përfundimtar vetëm kur të gjitha vendet anëtare të kenë ratifikuar marrëveshjen, e cila është nënshkruar në vitin 2021. Deri më tani vetëm gjashtë vende e kanë ratifikuar këtë marrëveshje: Austria, Letonia, Greqia, Irlanda, Estonia dhe Republika Çeke.
Është një plan 10-pikësh kundër korrupsionit që do të fokusohet, ndër të tjera, në sigurimin e mbrojtjes për sinjalizuesit që zbulojnë marrëdhënie të dyshimta brenda Parlamentit Evropian. Plani përqendrohet, ndër të tjera, në sigurimin e mbrojtjes së zgjeruar për “fytin e thellë” të Parlamentit Evropian.
Më herët PE ka ndaluar së ofruari mbrojtje të tilla për zyrtarët e tij dhe sinjalizuesit janë përballur me hakmarrje për të folur për sjellje të paligjshme ose të dyshimta në zyrat e tyre.
Plani u miratua me një shumicë dërrmuese prej 541-2, me tre abstenime.
VAZHDO TË LEXOSH MË TEPËR PËR TEMËN
Arrestohet dhe përjashtohet nga partia nënkrytarja e Parlamentit Europian
Zbardhet skema: Ja si u zbulua skandali i korrrupsionit në PE
