Një operacion i gjerë i Policisë së Shtetit dhe i mbështetur nga Forcat Speciale RENEA, është duke u zhvilluar në zonën e Fushë Kuqes. Siç shihet dhe nga pamjet, dhjetëra furgonë dhe efektivë ndodhen në shtëpinë e të shumëkërkuarit Ervis Martinaj.
Biznesmeni i basteve rezulton i zhdukur prej gushtit të vitit 2022 dhe nga mbrëmja e datës 9 për të nuk ka asnjë informacion. Ka pasur raportime se është vetë-zhdukur për t’ju shpëtuar kundërshtarëve, ndërsa vetë familjarët kanë akuzuar shtetin se ka dorë në vrasjen e 40 vjeçarit.
Nuk dihet se për çfarë kanë shkuar sot Forcat Speciale në shtëpinë e Martinaj, por ajo që bie në sy është se në rrethimin e jashtëm – të filmuar me një kamera amatore – qëndrojnë në gatishmëri efektivë të veshur me jelek antiplumb, të armatosur e maskuar.
Megjithatë, nuk përjashtohet dhe mundësia e një kontrolli me urdhër të Prokurorisë së Lezhës, e cila muaj më parë ka hapur dosje për fatin e biznesmenit të basteve. Ervis Martinaj shoqërohej nga ish-agjenti i Operacionales Jeton Lami dhe në ditët e fundit kur humbi gjurmët, ka qenë me të.
Lami u arrestua në zyrë para shefave të tij, ku deklaroi lidhjen me 40 vjeçarin. Më vonë, ai ka pasur dhe një takim me ish-drejtorin e Përgjithshëm Gledis Nano. Deri tani, Jeton Lami ka “mbyllur gojën” dhe nuk ka pranuar të flasë.
VAZHDO TË LEXOSH MË TEPËR PËR TEMËN
“Vis Martinaj është në Amerikën Latine, i maskuar si Artan Hoxha”
Artan Hoxha tjetër mesazh “të koduar” për misterin Ervis Martinaj
“Bastet e Ervis Martinajt dhe Call Center-at mbajtën me para…”
