“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Si mund të detoksikohemi pasi kemi ngrënë shumë?
Mjeku:
- Pini shumë ujë
Hiqni dorë nga alkooli për disa ditë dhe përpiquni të pini sa më shumë ujë. Hidratimi adekuat është thelbësor për të mundësuar veshkat të eliminojnë toksinat. Ju mund të shtoni pak limon të freskët në ujë për të marrë disa elektrolite të vlefshme në të njëjtën kohë. Gjithashtu, lëngu i limonit do të ndihmojë mëlçinë të prodhojë më shumë enzima në mënyrë që të mos përballeni me probleme me dispepsi.
- Hani vakte të vogla dhe të shpeshta
Siç e dini mirë, vaktet e mëdha të ushqimit çojnë në fryrje dhe parehati dhe në këtë mënyrë rëndojnë sistemin tretës. Duke zgjedhur vakte të vogla dhe të shpeshta do të shmangni këto “efekte anësore” të pakëndshme. Mos harroni të hani ngadalë, jo vetëm për të shijuar vaktin, por edhe për të shmangur gëlltitjen e ajrit me ushqimin.
- Flini mirë
Sigurohuni që të bëni të paktën shtatë orë gjumë dhe që ambienti juaj i gjumit të jetë mjaft i freskët, i errët dhe pa ekrane. Pushimi adekuat është i nevojshëm për të reduktuar inflamacionin dhe stresin në trupin tuaj, në mënyrë që trupi juaj të jetë në gjendjen më të mirë!
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
Disa këshilla që djeta juaj detox të funksionojë vërtet
