Kryetari i Partisë Bashkimi për të Drejtat e Njeriut, Vangjel Dule u shpreh i sigurt për fitoren e Fredi Belerit në Himarë, pavarësisht se ai ndodhet në burg me akuzën për blerje votash.
Në një prononcim për mediat ai tha se nga nesër do të nisë një periudhë e re për bashkinë e Himarës.
“Fitorja është e sigurt. Nga e hëna fillon një periudhë e re për Bashkinë e Himarës. Rrethi vicioz në Shqipëri do të thyhet. Do të kemi një shembull të administrimit europian dhe me një zhvillim që do të jetë miqësor për komunitetin, në interes të komunitetit”, u shpreh Dule.
I pyetur se çfarë reagimi do të ketë nga PBDNJ nëse gjykata e pranon pretencën e Prokurorisë për Belerin, Dule tha se “ne jemi duke ndjekur ligjin në germën dhe frymën e vet. Kishte dje denoncime. E patë qytetaren e Himarës që u rrëmbye dhe u shoqërua në komisariat dhe i kërkohej diçka që nuk kishte ndërmend ta bënte”.
VAZHDO TË LEXOSH MË TEPËR PËR TEMËN
Arrestimi i Fredi Belerit në Himarë, Veliaj: Raste të tilla lidhen gjithmonë me PD dhe LSI
Arrestimi i Fredi Belerit! Sot zhvillohet gjyqi
Arrestimi i Fredi Belerit, reagimi nga Athina zyrtare
