Komisioni Qendror i Zgjedhjeve ka certifikuar sot rezultatin e zgjedhjeve vendore për 12 këshilla bashkiak dhe 12 mandate për kryetar bashkie.
Mes tyre përfshirë edhe mandatin e Bashkisë së Himarës, që u fitua nga Fredi Beleri, kandidati i koalicionit “Bashkë Fitojmë”, i cili ndodhet në burg pasi akuzohet për shitblerje votash.
KQZ vendosi që të miratojë rezultatin për bashkinë Himarë, ku Fredi Beleri fitoi me 19 vota më shumë se kandidati i PS, Jorgo Goro.
Kujtojmë se Beleri ndodhet në burgun 313 të Tiranës, i cili u arrestua në Himarë dy ditë para zgjedhjeve të 14 majit 2023, pasi një agjent i infiltruar ka përgjuar pazarin për vota.
Sipas informacioneve paraprake, Beleri do të paguante 400 mijë lekë të vjetra për 8 vota. Ndërkohë, Prokuroria thotë se ka prova, se Fredi Beleri ka premtuar dhe ka dhënë para.
VAZHDO TË LEXOSH MË TEPËR PËR TEMËN
“Fredi ndaje mendjen!”, Artan Hoxha “prek në kallo” Fredi Belerin
Arrestimi i Fredi Belerit, reagon kryeministri Rama
Arrestimi i Fredi Belerit në Himarë, Veliaj: Raste të tilla lidhen gjithmonë me PD dhe LSI
