Kryeministri i Kosovës Albin Kurti, ka zhvilluar një bisedë telefonike me ministrin e Jashtëm të Emirateve të Bashkuara Arabe, Sheikh Abdullah bin Zayed. Kurti ka treguar për pozicionin e tij lidhur me zgjedhjet në veri.
Ai tha se së pari urgjentisht duhet të ndalet dhuna dhe të zbatohet marrëveshja bazë të arritur mes Kosovës dhe Serbisë.
“Faleminderit për mbështetjen e Emirateve të Bashkuara Arabe gjatë gjithë viteve”, tha ndër të tjera Kurti.
Bashkimi Evropian ka kërkuar mbajtjen e zgjedhjeve të reja në veri.
Kjo krahas dy kërkesave tjera, pjesëmarrjen e serbëve në zgjedhje dhe nisjen e punës për themelimin e Asociacionit.
Këto kërkesa i shpalosi kryediplomati i BE-së, Josep Borrell, pas takimit që patën në Moldavi bashkë me presidenten e Kosovës Vjosa Osmani, presidentin e Serbisë Aleksandar Vuçiç, kancelarin gjerman Olaf Scholz si dhe presidentin francez Emmanuel Macron.
VAZHDO TË LEXOSH MË TEPËR PËR TEMËN
“Tensionet në veri mund të shkaktojnë probleme më serioze”
“Shërbimi ushtarak i obligueshëm ka kosto të lartë”
