Analisti gjeopolitik amerikan Peter Zeihan ka bërë një parashikim interesant dhe mjaft befasues së fundmi. I ftuar në emisionin e Joe Rogan, Zeihan, i cili ka shkruar për “Washington Post” dhe “Wall Street Journal”, beson se Kina është absolutisht e sigurt se do të “marrë fund” dhe katastrofa e mundshme është vetëm dhjetë vjet larg.
Në qendër të parashikimit të tij qëndron pretendimi se Kina po keqraporton popullsinë e saj dhe Zeihan thotë se popullsia aktuale e vendit është 100 milionë më pak se ajo që ka shpallur zyrtarisht qeveria.”Kjo është dekada e tyre e fundit,” tha Zeihan për Kinën. Disa argumentojnë se ushtria masive e Kinës, kontrolli i popullsisë dhe fuqia ekonomike do ta pengojnë Kinën të shpërbëhet, por të tjerë thonë se tashmë ka disa shenja mjaft shqetësuese.
Ekonomia kineze po tregon se është nën presione të ndryshme. Për shkak të politikës së rreptë të Covid-it, shpërthyen trazira civile dhe pandemia përgjithësisht çoi në një ulje të prodhimit industrial dhe një rënie të përgjithshme të konsumit. Vitin e kaluar, ekonomia ra në një nga nivelet më të ulëta në 30 vitet e fundit. Veçanërisht, tremujori i katërt u ndikua fuqishëm nga politika dhe vendime të rrepta ekonomike.
Sakaq, “politika e një fëmije”, e cila zgjati për më shumë se tre dekada, deri në vitin 2016, e ka përkeqësuar situatën lidhur me numrin e popullsisë dhe perspektiva afatgjatë ekonomike është mjaft e zymtë. Dhe tregu kinez i pasurive të paluajtshme është në një rënie afatgjatë.
Edhe pse Fondi Monetar Ndërkombëtar parashikon se ekonomia e Kinës do të rritet me 5.2 për qind, pengesat ekonomike dhe sfidat demografike me të cilat përballet Kina mund të kenë pasoja globale.
VAZHDO TË LEXOSH MË TEPËR PËR TEMËN
‘Një mal me rreziqe’ përball ekonomisë globale!
‘Lufta’ e perëndimit për naftë do testohet në 2023!
‘Konkurrenca për fuqi duhet të ndalë’
