Për t’u kthyer më i lumtur dhe më i relaksuar nga pushimet, nuk mjafton vetëm të largohesh dhe të udhëtosh. Sekreti është të përjetoni pushimet duke u rikthyer në kontakt me veten. Lëreni teknologjinë në shtëpi sepse nuk do t’ju nevojiten PC-të, tabletët apo orët inteligjente gjatë pushimeve. Është e vështirë të bësh pa smartfonin, por nëse vërtet dëshiron të rigjenerosh veten, duhet ta përdorësh të kufizuar.
Nëse ia jepni vetes këtë mundësi, pushimet tuaja të ardhshme do t’i përjetoni me më shumë qetësi. Shiko sa më pak orën. Hani kur jeni të uritur dhe mos shikoni kohën, notoni për aq kohë sa të keni dëshirë, riaktivizoni shqisat tuaja falë detit, maleve apo kodrave. Sa më shumë të ktheheni në kontakt me pesë shqisat tuaja, aq më shumë do të përfitoni. Mbyllni rrjetet sociale dhe përkushtojuni asaj që po përjetoni.
Për të rigjeneruar me të vërtetë veten dhe për t’i bërë pushimet tuaja të paharrueshme, duhet të bëni diçka të re. Synoni për një sport të ri, një përvojë të re adrenaline, për të vizituar një qytet që nuk e njihni ose për të jetuar një aventurë të papritur. Lërini mendimet tuaja në shtëpi dhe ndiqni më shumë instinktet tuaja.
VAZHDO TË LEXOSH MË TEPËR PËR TEMËN
‘Rifreskoni’ dollapin tuaj këtë verë, ja çfarë ju duhet!
4 gabimet e bukurisë që bëjmë gjatë verës
Dëshironi të shkoni vetëm me pushime?
