Ballkani ka njoftuar zyrtarisht transferimin e sulmuesit të njohur, Arb Manaj, i cili së fundmi luajti te Slaven Belupo në Kroaci.
Kampioni i Kosovës ka vazhduar me përforcime në këtë afat kalimtar, pasi synon t’i sigurojë grupet e Ligës së Konferencës dhe ta përsëris suksesin e vitit të kaluar në Superligë.
Kështu, klubi nga Suhareka ka konfirmuar transferimin e radhës. Bëhet fjalë për ish-golashënuesin e Superligës së Kosovës, Arb Manaj.
Sulmuesi nga Klina karrierën e ka filluar në vendlindje te Dukagjini, para se të kalonte te Trepça ’89 ku u zgjodh golashënuesi i vitit në Superligë dhe nga aty u transferua në Turqi te Keciorengucu dhe pastaj te Balikesirspor dhe Bandirmaspor.
Postimi pa ndërhyrje i Ballkanit
Të dashur tifozë,
Me kënaqësi ju njoftojmë se skuadrës tonë kampione, i bashkohet sulmuesi Arb Manaj.
Futbollisti që së fundmi ishte pjesë e elitës kroate, te skuadra e Slaven Belupo, ka një eksperiencë atraktive edhe në futbollin e Turqisë.
25 vjeçarit i urojmë suksese në arritjen e objektivave tona të përbashkëta.
Mirë se vjen Arb Manaj
VAZHDO TË LEXOSH MË TEPËR PËR TEMËN
Gol dhe i kuq, Manaj protagonist te Barcelona
