Teksa janë kthyer nga emigrimi për të krijuar të ardhmen në Shqipëri, emigrantët përballen me mungesën e sigurisë.
Një nga blegtorët më të mëdhenj në vend, Endrit Pepa ka një kope prej rreth 1 mijë dele. Ai është përfitues i subvencioneve dhe ka një treg të sigurt të mishit, por e tremb mungesa e kullotave të sigurta.
“Me kullotat ka shumë vështirësi, janë të zaptuara. Mishi është shumë cilësor, nuk përdor hormone. Në tregun e shitjes nuk ka vështirësi”- shprehet blegtori Endrit Pepa.
Endriti u kthye në Malasenj të Cerrikut pas 10 viteve në Itali. Vizioni i tij ishte një kope delesh dhe tregtimi i mishit të pastër bio. Por kohët e fundit një tjetër problem madhor është mungesa e punëtorëve.
“Mungesa e punëtorëve është shumë problem i madh, është kudo jo vetëm te unë”-shprehet blegtori.
Kope të tilla tashmë në Shqipëri janë të rralla. Pak e nga pak fshati po i pakëson bagëtitë, pasi një pjesë e të rinjve janë larguar ndërsa pjesa tjetër nuk e pëlqejnë këtë punë.
VAZHDO TË LEXOSH MË TEPËR PËR TEMËN
Bujqësia në vështirësi, ‘shuhen’ fermat e vogla!
Pse shqiptarët shkojnë në Greqi të punojnë në bujqësi?
‘Shqipëria punon tokën’/ “Një fermë në zemër të Tiranës”
