Gjykata e Sarandës ka liruar dy të arrestuarit, të cilët u vunë në pranga të enjten me akuzën e “shpërdorimit të detyrës” lidhur me mosveprimin duke lejuar hedhjen e inerteve dhe ndërtimin e mureve në zonat e mbrojtura të liqenit të Butrintit, Pemës së Thatë dhe Lagunës në Ksamil.
Për inspektorin e ARZM, Çane Aliaj, 62 vjeç, Prokuroria kërkoi masën e sigurisë “Detyrim për t’u paraqitur në policinë gjyqësore” dhe “Pezullim i ushtrimit të detyrës” ndërsa për Sokol Xhyheri, 37 vjeç, specialist në ARZM, kërkoi masën e sigurisë “Arrest ne burg”.
Ndërkohë në seancën e mbajtur mëngjesin e së dielës, Gjyqtarja Dejvi Çelçima i ka quajtur të pamjaftueshme provat e Prokurorisë. Në përfundim të seancës ajo ka vendosur vetëm masën e sigurisë “Detyrim për t’u paraqitur në policinë gjyqësore” për të dy të arrestuarit.
VAZHDO TË LEXOSH MË TEPËR PËR TEMËN
Punësimi, Gjirokastra kryeson, Memaliaj problematik
DRAKU në Gjirokastër nuk ka mjete për kontrolle
