Që nga java e kaluar, aktivistët çeçenë dhe inteligjenca ukrainase kanë raportuar se lideri çeçen Ramzan Kadyrov ndodhet në gjendje të rënduar shëndetësore.
Ndërsa Kremlini thotë se nuk di asgjë për shëndetin e Kadyrov.“Nuk kemi asnjë informacion për këtë çështje. Në çdo rast, administrata e presidentit është e dyshimtë nëse ai është në gjendje të japë informacion për gjendjen shëndetësore. Prandaj, në këtë rast nuk mund të themi asgjë”, tha përfaqësuesi i presidentit rus Peskov.
Kur u pyet nëse Kadyrov ishte në Moskë të dielën dhe u takua me presidentin rus, Peskov tha ky lajm nuk është i vërtetë. Burime për mediat bëjnë me dije se që nga fillimi i shtatorit, një aeroplan i presidentit të Çeçenisë, Ramzan Kadyrov, ka fluturuar tre herë drejt Moskës. Udhëtimi i fundit u zhvillua më 15 shtator, ndërsa dy ditë më vonë thuhet se avioni i politikanit u kthye në Çeçeni.
Media tërhoqi vëmendjen për lëvizjet e avionit mes thashethemeve për përkeqësimin e shpejtë të shëndetit të liderit çeçen dhe trajtimit të tij në Spitalin Klinik Qendror të Moskës nën administratën presidenciale ruse.
Kadyrov mendohet se vuan nga dështimi i rëndë i veshkave dhe kërkon dializë të shpeshtë.
Gjithashtu disa kanale opozitare çeçene, pa cituar burime, shkruan se Kadyrov ka rënë në koma. Më 17 shtator, politikani çeçen i opozitës dhe aktivisti për të drejtat e njeriut Abubakar Yavngulmayev shkroi se Kadyrov kishte vdekur.
VAZHDO TË LEXOSH MË TEPËR PËR TEMËN
Gati të vdesë për Putin, Kadyrov kërcënon hapur Perëndimin
“Po nxit konfliktin midis Serbisë dhe Kosovës!”
“Mos ndihmo në evakuimin e njerëzve në fabrikën e çelikut në Mariupol”
