Jemi në prag të vjeshtës, ndërsa dimri nuk është larg për të “trokitur” dhe shumë njerëz duan të jenë të sigurt që të kenë një shëndet të mirë gjatë ndryshimit të stinëve.
Çelësi i imunitetit të fortë shpesh përfshin një kombinim të praktikave të zgjuara dhe të shëndetshme në këtë periudhë të vitit.
Dr. Nayan Patel foli për Fox News dhe ndau tri këshilla kryesore që ju të keni imunitet të fortë gjatë ndryshimit të stinëve dhe ftohjes së motit.
Mbani lëkurën të hidratuar
Mjeku rekomandoi që ta mbani lëkurën të hidratuar për të ndihmuar në parandalimin e humbjes së ujit dhe irritimit si faktorë që “zgjohen” gjatë uljes së temperaturave. “Kur ajri bëhet shumë më i thatë në muajt e ftohtë është e rëndësishme të hidratoni lëkurën për të ruajtur lagështinë e saj,” tha mjeku.
Sigurohuni që të merrni vitaminën D
Mjeku Patel tha se marrja e vitaminës D gjatë gjithë vitit është e rëndësishme për forcimin e sistemit imunitar.
“Ajo ndihmon në forcimin e sistemit imunitar, përmirësimin e gjendjes mendore, ruajtjen e peshës dhe rregullimin e niveleve të sheqerit në gjak,” shtoi ai.
Por, mund të jetë e vështirë për të marrë vitaminë D nga dielli gjatë dimrit apo vjeshtës. Konsumimi i ushqimeve me vitaminë D mund të jetë i dobishëm, ndaj zgjidhni peshkun e yndyrshëm, kanellën dhe qumështin.
Vazhdoni të hidratoheni
Qëndrimi i hidratuar në muajt e ftohtë është shumë i rëndësishëm për shëndetin tonë. Nevoja e trupit për ujë në motin e freskët është po aq e nevojshme sa edhe në verë. “Ajri i thatë dhe temperaturat e ftohta mund të çojnë në humbjen e lëngjeve,” vijon mjeku. Konsumimi i tepërt i kafeinës dhe alkoolit mund t’i dehidratojë njerëzit shpejt, para se ata ta kuptojnë. Pirja e një sasie të konsiderueshme uji dhe lëngjesh gjatë muajve të freskët dhe të ftohtë është një element i rëndësishëm për të pasur imunitet të fortë.
VAZHDO TË LEXOSH MË TEPËR PËR TEMËN
5 çajrat aleate të një gjumi të mirë
