Shqipëria parashikohet të përfundojë në vitin 2030 dixhitalizimin e plotë të dosjeve të pronave, duke përfshirë edhe prona të paregjistruara më parë.
Në dokumentin “Udhërrëfyesi për Shtetin e së Drejtës”, i hedhur për konsultim publik, ku vendosen rregulla për zbatimin e së drejtës së pronësisë, me qëllim uljen e korrupsionit, parashikohet edhe ngritja e sistemit të menaxhimit të tokës.
Fillimisht brenda vitit 2024 pritet të mbyllet projekti i nisur në 2022 për dixhitalizimin e dosjeve të regjistruara.
Regjistrimi për herë të pronave të paregjistruara pritet të mbyllet në 2028.
Dy vjet më pas, në 2030 pritet të mbyllet dixhitalizimi i plotë i dosjeve në Shqipëri.
Për të përmbushur këtë objektiv, do të rishikohen deri në 2025, edhe burimet njerëzore dhe financiare të Agjencisë së Kadastrës.
Dixhitalizimi i arkivës së pronave që ka nisur nga viti 2022 përfshin 4.7 mln pasuri. Nga këto, në Kadastër janë vetëm 2,8 milionë të tilla me referenca.
VAZHDO TË LEXOSH MË TEPËR PËR TEMËN
Botohet në Fletoren Zyrtare vendimi i qeverisë “Rama” për konfiskim
BE kërkon arrestime “VIP”, gati të nisë ofensiva
“Regjimi i Ramës s’e njeh Himarën si krahinë minoritare”
