Sekretarja e Brendshme britanike Suella Braverman është shkarkuar nga kryeministri Rishi Sunak.
Javën e kaluar Braverman shkroi një artikull në gazetë që kritikoi trajtimin e Policisë Metropolitane të një marshimi të diskutueshëm pro-palestinez për Ditën e Armëpushimit.
Kryeministri u vu nën presion për të vepruar pasi sekretarja Braverman u akuzua për minimin e pavarësisë operacionale të besimit të publikut në polici.
Kritikët – si nga partitë e opozitës ashtu edhe nga deputetët e tjerë konservatorë i quajtën komentet e Braverman “fyese” dhe “inflamatore”.
Në një artikull për The Times, zonja Braverman akuzoi policinë se “luan me favoritë” me mënyrën se si i trajton protestat e diskutueshme duke treguar një qëndrim më të butë ndaj protestuesve të krahut të majtë sesa homologët e tyre të krahut të djathtë.
Ajo shtoi sulmet e saj ndaj atyre që merrnin pjesë në demonstratat pro-palestineze – duke i krahasuar ato me marshimet protestante në Irlandën e Veriut – komente që u etiketuan “tërësisht fyese” dhe “injorante” nga një ish-ministër i kabinetit konservator.
VAZHDO TË LEXOSH MË TEPËR PËR TEMËN
‘Kriminelët shqiptarë’, Dua Lipa i përgjigjet sekretares britanike
“Emigracioni i paligjshëm po na mbush burgjet me kriminelë shqiptarë”
Britania e Madhe publikon bilancin e emigrantëve
