Gjykata Themelore në Prishtinë ka vendosur për vazhdimin e masës së paraburgimit edhe për dy muaj për Naim Murselin, Granit Plavën dhe Kushtrim Kokallën, të cilët dyshohen për vrasjen e Liridona Ademajt.
Tre të dyshuarit u arrestuan më 30 nëntor, pas zbardhjes së detajeve nga ngjarja që fillimisht u shfaq si tentativë grabitje.
“Referuar kërkesës tuaj për informata, ju njoftojmë se pas kërkesës së Prokurorisë Themelore në Prishtinë për vazhdimin e masës së paraburgimit në çështjen penale kundër të pandehurve N.M, G.P, dhe K.K, Gjykata Themelore në Prishtinë – Departamenti për Krime të Rënda ka aprovuar kërkesën e Prokurorisë, ashtu që tre të pandehurve iu vazhdohet masa e paraburgimit në kohëzgjatje prej dy muaj, për secilin. Masa e paraburgimit të pandehurve iu është vazhduar nga data 31.12.2023 deri më datë 29.02.2024”, ka thënë zëdhënësja e Gjykatës Themelore, Mirlinda Gashi për mediat kosovare.
Lidhur me vrasjen e Liridona Ademajt deri tani janë arrestuar katër persona, në mesin e tyre është edhe bashkëshorti i saj, Naim Murseli.
Rasti fillimisht u cilësua ‘Grabitje e armatosur me pasojë vdekjen’, pasi të dyshuarit, Granit Plava, Kushtrim Kokalla dhe bashkëshorti i së ndjerës, Naim Murseli, kishin inskenuar ngjarjen që të paraqitet si grabitje e armatosur.
VAZHDO TË LEXOSH MË TEPËR PËR TEMËN
Vrasja e Liridona Ademajt, gazetarja Lala ngre dyshimet
Vrasja e Liridona Ademajt, kushëriri i 30-vjeçares zbardh bisedën me Naim Murselin
Zbardhen detaje nga dosja: Naim Murseli i dha vetë armën vrasësit
