Okay, kthehemi në realitet!
Jemi më 2 janar, peshojmë ca më shumë dhe duam këshilla si të humbasim kilogramët e marrë. Epo, dëshirat e tua u plotësuan dhe ja ku i ke disa këshilla të thjeshta:
Mos ha se thjesht po hanë të gjithë
Nëse nuk ke uri dhe sheh që të gjithë e kanë marrë një copë bakllava, nuk ke pse e bën. Konsumo ushqime kur vërtet të ndihesh i/e uritur dhe kujdes me sasinë.
Pi ujë!
Shpesh, ndjesia e urisë ngatërrohet me etjen. Kur të të marrë “uria”, pi një gotë me ujë dhe nëse ende stomaku nuk po gjen qetësi, ulu dhe konsumo vaktin.
Fli gjumë!
E dimë që është paksa e vështirë, sidomos me ditët e pushimit, por menaxhoje kohën dhe bëj 6-8 orë gjumë!
Konsumo kokoshka, jo patatina
Konsidero të zëvendësosh patatinat me kokoshka. Do të na falenderosh për serialin dhe për këshillat.
Bëj ecje
Nuk ka rëndësi sa e ngrohtë është shtëpia, sërish duhet të jesh më aktiv/e, veçanërisht në këtë periudhë.
Mos ha vetëm përshesh, por edhe fruta e perime
Viti i Ri, gjeli, përsheshi, bakllavaja, kadaifi dhe panetone-t nuk janë më një justifikim, ndaj gatuaj edhe vakte me perime dhe në vend të snaks, konsumo fruta.
VAZHDO TË LEXOSH MË TEPËR PËR TEMËN
Festat e fundvitit rrisin stresin…
Keni dëgjuar për trëndafilin e Krishtlindjeve?
