Seanca nesër është lënë për në orën 09.00, teksa duket se lista e dëshmitarëve po shteron dhe kjo është kambanë alarmi për Fatmir Mediun…
Gjykata e Posaçme do të rinisë nesër seancat ndaj ish-ministrit Fatmir Mediu për tragjedinë e Gërdecit.
Gjatë javëve të fundit, çdo të enjte në GJKKO janë thirrur dëshmitarë të ndryshëm, ku janë pyetur mbi atë që ndodhi në “fabrikën e vdekjes”. Në fund të dhjetorit u paraqit për të dëshmuar Shkëlzen Berisha, djali i ish-kryeministrit Berisha. Emri i tij është përmendur në disa raste, por ai mohoi të ketë lidhje.
Por nga gjithë lista prej 71 dëshmitarësh, vetëm një person ka rëndësi dhe ai është Luan Hoxha. Gjenerali është ndër të paktët që ka përmendur emrin e Shkëlzenit gjatë një deklarimi që ka bërë në ambasadën amerikane. Më pas ai iku në SHBA.
Nëse shihet lista e dëshmitarëve, pas Shkëlzen Berishës duhej të pyeteshin dy emra, Ylli Pinari dhe Luan Hoxha, por në seancën e fundit GJKKO i kaloi këta dy emra dhe kërkoi të thirren Jorgo Mino, ushtarak dhe Ndue Marku jurist. Këta të fundit refuzuan me argumentin se janë dënuar për rastin e tragjedisë dhe nuk mund të flasin. Tani mbetet të shihet se kur gjykata do vendosë për thirrjen e Luan Hoxhës dhe nëse ky i fundit do të pranojë të dëshmojë.
Por pse Luan Hoxha ka kaq shumë rëndësi për procesin?
Gjeneral Hoxha u tentua të bëhej kurban kur ndodhi tragjedia, pasi u mor i pandehur. Mirëpo ai u largua në SHBA dhe kërkoi azil gjë që u pranua. Para se të largohej, Luan Hoxha takoi ambasadorin amerikan të asaj kohe John Withers, ku rrëfeu implikimin e Shkëlzen Berishës dhe Mediut në tragjedi. Ai i ka thënë ambasadorit se djali i kryeministrit i kishte bërë presion të procedonte pa vonesa me municionet. I pyetur nëse kishte informuar prokurorinë, Hoxha ishte përgjigjur se kishte depozituar çdo provë, përjashtuar informacionet për Shkëlzen Berishën.
Ndërkohë mësohet se pasi iku në SHBA, ai u kthye në të penduar. Mësohet se atje ai ka rrëfyer të gjitha bëmat e familjes Berisha sa i takon Gërdecit dhe zërat flasin se dëshmia e tij është një prej elementeve kyç që bindin amerikanët të shpallin Berishën dhe Familjen e tij “Non grata”.
Seanca nesër është lënë për në orën 09.00, teksa duket se lista e dëshmitarëve po shteron dhe kjo është kambanë alarmi për Fatmir Mediun, pasi me tu mbyllur dëshmitë nuk ka më zvarritje dhe gjyqi mund të përfundojë. Kjo do të thotë se do kemi një vendim final kundër tij brenda pak muajsh.
VAZHDO TË LEXOSH MË TEPËR PËR TEMËN
“Berisha do të dënohet me burg perjetë si i pandehur kryesor për Gërdecin”
“Familjarët e viktimave mund të zbërthejnë lidhjet e forta të Shkëlzen Berishës”
“Gërdeci”/ Shkëlzen Berisha s’paraqitet në seancë!
