Kundërshtimi i zyrtarëve në të dy anët e Oqeanit Atlantik po rritet kundër politikave të qeverive të tyre në luftën midis Izraelit dhe Hamasit.
Rreth 800 evropianë dhe amerikanë nënshkruan një letër midis të martës 30 dhe të mërkurës 31 janar duke kërkuar, ndër të tjera, të “përdorin të gjitha mjetet e nevojshme”, duke përfshirë fundin e mbështetjes ushtarake për Tel Aviv, për të garantuar një armëpushim afatgjatë dhe “ndihmë humanitare të plotë në Gaza, lirimin e të gjithë pengjeve dhe zhvillimi i një strategjie për paqe të qëndrueshme që përfshin një shtet të sigurt palestinez dhe garanci për sigurinë e Izraelit, në mënyrë që një sulm si ai i 7 tetorit dhe një ofensivë në Gaza të mos ndodhë përsëri.”
“Qeveritë tona i kanë dhënë mbështetje publike, diplomatike dhe ushtarake Izraelit, pa asnjë kusht real apo përgjegjësi ”, thuhet në letrën e zyrtarëve, të publikuar në media të huaja. Përballë katastrofës humanitare, ata nuk kanë arritur të bëjnë thirrje për një armëpushim dhe fundin e bllokadës së ushqimit, ujit dhe ilaçeve të nevojshme që hyjnë në Gaza. Të paktën gjysma e nënshkruesve punojnë për Komisionin Evropian.
Nisma nisi nga holandezët dhe amerikanët , të cilëve më pas iu bashkuan grupe të vogla diplomatësh nga Italia, Spanja, Belgjika, Danimarka, Finlanda, Franca, Gjermania, Suedia, Zvicra dhe Mbretëria e Bashkuar.
” Kjo është një deklaratë shumë domethënëse nga qindra individë që i kanë kushtuar jetën e tyre ndërtimit të një bote më të mirë ,” tha Josh Paul , ish-drejtor i Byrosë së Çështjeve Politike dhe Ushtarake në Departamentin e Shtetit të SHBA, i cili dha dorëheqjen më 17 tetor në protestë kundër linjës së miratuar nga administrata Biden ndaj Izraelit.
VAZHDO TË LEXOSH MË TEPËR PËR TEMËN
“Izraeli ia kishte borxh SHBA-së”
