Pacienti i parë në botë të cilit i është vendosur çipi i Neuralink në tru, mund të kontrollojë një maus kompjuteri “vetëm duke menduar”, është shprehur Elon Musk.
Themeluesi i kompanisë thotë se pacienti është rikuperuar plotësisht dhe kompania po përpiqet të marrë sa më shumë klikime nga mausi.
“Progresi është i mirë. Pacienti duket se është shëruar plotësisht, pa efekte anësore. Ai mundet të lëvizë një maus rreth ekranit vetëm me anë të mendimit”, tha Musk në platformën X.
Ndërhyrja te pacienti u krye muajin e shkuar pasi kompania mori miratimin për eksperimentin në muajin shtator. Musk është shprehur se synimi i çipit në tru është që të lejojë personat me aftësi të veçanta si Stephen Haëking që të komunikojnë më shpejt. Ai ka thënë se mund të trajtojë edhe obezitetin, autizmin, depresionin dhe skizofreninë.
Procesi kryhet me anë të një roboti që përmes ndërhyrjes kirurgjikale vendos implantin e trurit në zonën e trurit që kontrollon qëllimin e lëvizjes.
VAZHDO TË LEXOSH MË TEPËR PËR TEMËN
Musk implantoi çipin e parë të Neuralink tek njeriu, mund të hakohet kjo teknologji?
Neuralink po rekruton kandidatë për testet e para klinike njerëzore
Një implant në tru mund të kurojë varësitë dhe depresionin!
