Banka Qendrore e Kosovës, ashtu si homologët në Ballkanin Perëndimor po përshpejton përpjekjet për modernizimin e sistemit të pagesave, si dhe për shërbimet financiare digjitale.
Së fundmi, Guvernatori Ahmet Ismaili është takuar me ekspertë të Korporatës Financiare Ndërkombëtare, pjesë e grupit të Bankës Botërore për të diskutuar rreth mundësisë se bashkëpunimit në projektin e ri rajonal për avancimin drejt Shërbimeve Financiare Digjitale (Digital Financial Services – DFS).
Guvernatori i BQK-së duke shprehur gatishmërinë për të nisur këtë projekt, duke theksuar rëndësinë e modernizimit dhe digjitalizimit si objektiv i rëndësishëm i Planit Strategjik të BQK-së. Po ashtu, Guvernatori Ismaili vuri në dukje synimin e BQK-së për të avancuar drejt anëtarësimit në SEPA (Single Euro Payments Area), me qëllim final të integrimit në sistemin TIPS (Target Instant Payment Settlement) të Eurozonës.
Në projektin për modernizimin e sistemit të pagesave, Banka Qendrore e Kosovës do të ketë asistencën teknike të Bankës Botërore dhe jo vetëm. Zv/guvernatori i Bankës Qendrore të Kosovës, Dardan Fusha, zhvilloi një takim me përfaqësues të Bankës së Italisë, si pjesë e misionit për mbështetjen e BQK-së në fushën e operacioneve me para të gatshme.
Banka e Italisë po mbështet BQK-në për avancimin e infrastrukturës ligjore dhe teknike, përfshirë planin për avancimin e luftimit të dukurisë së parave të falsifikuara dhe modernizimin e sistemit të pagesave dhe synimin për anëtarësimin në SEPA.
VAZHDO TË LEXOSH MË TEPËR PËR TEMËN
‘Pas liberalizimit të vizave, nuk do të ik askush’
‘Mallrat serbe do të zhduken nga Kosova’
