Një luftanije amerikane ka kaluar ngushticën e Tajvanit, duke ndezur zemërimin e Kinës. Episodi ndodhi më 8 maj dhe kishte të bënte me shkatërruesin amerikan USS Halsey.
Flota e 7-të e marinës amerikane shpjegoi se ishte një “transit rutinë përmes ujërave ku zbatohen liritë e lundrimit dhe fluturimit, në det të hapur në përputhje me ligjin ndërkombëtar”.
Pekini, i cili i konsideron ato ujëra dhe Tajvanin si pjesë integrale të territorit të tij, ka një mendim shumë të ndryshëm dhe për këtë arsye ka akuzuar Uashingtonin se ka nisur një provokim duke bërë publike kalimin e anijes nga zona e sipërpërmendur me qëllim të arritjes së efektit maksimal politik.
Komanda e Teatrit Lindor Kinez, raportoi zëdhënësi Li Xi, “ka përgatitur forcat detare dhe ajrore për të monitoruar” transitin e anijes amerikane.
Në thelb do të thotë se Kina ka dërguar luftëtarë dhe anije për të vëzhguar kalimin e automjetit rival.
“Trupat në teatër mbeten gjithmonë në gatishmëri dhe mbrojnë me vendosmëri sovranitetin dhe sigurinë kombëtare, si dhe paqen dhe stabilitetin rajona ,” shtoi Li.
“Asnjë anëtar i komunitetit ndërkombëtar nuk duhet të frikësohet ose të detyrohet të heqë dorë nga të drejtat dhe liritë e tyre. Ushtria e Shteteve të Bashkuara fluturon, lundron dhe vepron kudo ku e lejon ligji ndërkombëtar,” u përgjigj Uashingtoni i mërzitur nga përgjigja kineze.
Sipas Shteteve të Bashkuara, në fakt, kalimi i anijes USS Halsey do të kishte ndodhur “përtej deteve territoriale” të çdo shteti bregdetar.
Situata në Tajvan mund të nxehet në ditët në vijim, duke qenë se inaugurimi zyrtar i presidentit të ri të ishullit William Lai Ching Te, fitues i zgjedhjeve të fundit, është planifikuar për në 20 maj.
VAZHDO TË LEXOSH MË TEPËR PËR TEMËN
‘Lufta tregtare’, më keq se Lufta e Parë Botërore!
‘Lufta’ SHBA-Kinë/ Rinisin bisedimet tregtare
