Nëse keni bërë plane për fundjavë, moti nuk do të jetë edhe aq favorizuar. Të paktën të dielën, reshjet do të përfshijnë të gjithë vendin.
Parashikimi i Meteolab
Sot dhe nesër, moti vijon me kthjellime dhe vranësira të shpeshta kryesisht në pjesën e dytë ët ditës kur priten shira të përkohshëm në zonat Lindore dhe pjesërisht në Qendër.
Dita e diel sjell fuqizim të vranësirave dhe shira në pjesën më të madhe të vendit përjashtuar ekstremin Jugperëndimor i cili do të mbetet me kthjellime dhe vranësira të shpeshta.
Dita e hënë paraqitet me vranësira dhe shira në gjithë territorin, më të konsiderueshëm në Qendër dhe zonat Juglindore.
Temperaturat e ajrit do të sjellin rënie të lehtë dhe graduale deri të henën kur pritet një rënie me të paktën 3°C në të gjithë terriotin duke bërë që vlerat ekstremale në rang Shqipërie të luhaten nga 9 në 31°C.
