Djali i Fredi Belerit, Petro Beleri, pritet që të kandidojë për postin e kreut të Bashkisë së Himarës.
Ky lajm është bërë me dije nga sekretari i “Omonias”, Marin Suli, i cili në një intervistë të dhënë për Top News ka bërë me dije se djali i kryebashkiakut të zgjedhur të Himarës do të kandidojë në zgjedhjet e ardhshme për postin e kreut të këtij institucioni.
Suli tha se Fredi Beleri do të jetë sërish në fletën e votimit, por me një artificë ligjore, ai që do të kandidojë do të jetë djali i tij, Petro.
“Mos i harroni këto gjëra. Dhe meqë doni një ekskluzivitet, një nga kandidatët më kryesor mund të jetë prapë emri i Fredi Belerit po me një artificë ligjore. Të kandidojë i biri i tij. Kështu që në fletën e votimit prap zoti Rama, do të lexojë Petro Dhionisios Alfred Beleris“, tha Marin Suli ndër të tjera.
Pjesë nga fjala e tij në Top News:
Në kulmin e sezonit turistik Himara është e mbytur nga plehrat. Himara është me rrugë të shkatërruara. Himara është e pa menaxhuar.
Himara drejtohet sot nga një i ri që para një viti e gjysmë e mundëm me votë brenda rregullave demokratike dhe drejtohet sot nga ai njeri që e kemi kallëzuar në bazë të raportit të KLSH, ka abuzuar me 10 milionë Euro tendera, nga lekët tona.
Mos i harroni këto gjëra. Dhe meqë doni një ekskluzivitet, një nga kandidatët më kryesor mund të jetë prapë emri i Fredi Belerit po me një artificë ligjore. Të kandidojë i biri i tij. Kështu që në fletën e votimit prap zoti Rama, do të lexojë Petro Dhionisios Alfred Beleris.
VAZHDO TË LEXOSH MË TEPËR PËR TEMËN
“Rama nuk do ta humbasë Himarën, se i dalin në dritë falsifikimet”
“Paraburgimi i një kryebashkiaku etnik grek, ngre shqetësime serioze”
Ardit Bido: Emërimi i Blerina Balajt ishte e vetmja zgjidhje e ligjshme
