Gjermania është në ngërç. Rritje zero për 2024, në thelb. Të paktën sipas prestigjiozes Ifo, instituti i kërkimeve me qendër në Mynih, i cili ka ulur parashikimet për vitin aktual, duke treguar një zgjerim prej vetëm 0.4% të PBB-së. Pra, ekonomia nuk do të rritet. Po ashtu, parashikimet për vitet e ardhshme janë më të ulëta se sa pritej. Ifo ka ulur gjithashtu vlerësimet për vitin 2025, nga +1.5% në +0.9%. Do të duhet të presim deri në vitin 2026 për të parë një rritje prej 1.5%. Por situata nuk është aspak rozë. Nuk bëhet fjalë vetëm për një ngadalësim ekonomik të thjeshtë. Tridhjetë e pesë vjet pas ribashkimit, i cili bëri që ekonomia gjermane të përfitonte nga përshpejtimi i procesit të integrimit evropian dhe më pas nga ardhja e euros, Gjermania po përballet me një krizë që Ifo e përkufizon si “strukturore”.
Zinxhiri i prodhimit dhe infrastruktura e vendit nuk duken të afta për të konkurruar, veçanërisht ndaj tregjeve aziatike (fillimisht ndaj Kinës). Po ashtu, pasojat e më shumë se dy viteve të luftës në Ukrainë dhe sanksionet ndaj Rusisë, një vend me të cilin Gjermania kishte lidhje të ngushta tregtare dhe që e furnizonte me energjinë me kosto të ulët të nevojshme për të mbajtur gjallë prodhimin gjerman, janë gjithashtu ndikuese. Për më tepër, nuk është rastësi që edhe stabiliteti politik tradicional ka dështuar. Pas 16 vjetësh të qeverisjes së Angela Merkelit, vendi po përpiqet të gjejë një ekuilibër të ri politik.
“Ekonomia gjermane është e bllokuar dhe po lëngon në depresion,” shpjegon kreu i departamentit të Parashikimeve të Ifo, Timo Ëollmershauser. Ai flet për një krizë strukturore me “shumë pak investime, veçanërisht në sektorin e prodhimit”, dhe produktivitet që “ka ndenjur prej vitesh”. Ka disa faktorë që kanë bërë presion mbi modelin gjerman, përveç përfundimit të furnizimit me gaz rus. Dekarbonizimi, dixhitalizimi, ndryshimet demografike, pandemitë, goditjet e çmimeve të energjisë dhe roli i ri i Kinës në ekonominë globale po i detyrojnë kompanitë të ndryshojnë strukturat e tyre të prodhimit. Veçanërisht, sektori i automobilave po vuan. Ditët e fundit ka shpërthyer rasti i shkurtimeve të mundshme të stafit në Volksëagen.
VAZHDO TË LEXOSH MË TEPËR PËR TEMËN
“Project Syndicate”: Varfëria e Antikapitalizmit
