Administrata Tatimore është gati të nisë rimburisimin e profesionistëve të lirë që kanë kryer pagesën e kësteve paraprake të Tatimit mbi Fitimin dhe të Tatimit të Fitimit të Thjeshtuar.
Tatimet i bëjnë thirrje profesionistëve të lirë të saktësojnë të dhënat e llogarisë bankare në e-filing brenda datës 10 dhjetor. Llogaria duhet të jetë në lekë dhe aktive në një nga bankat e nivelit të dytë.
“Administrata Tatimore gati për të rimbursuar brenda dhjetorit tatimpaguesit, që ofrojnë shërbime profesionale dhe që kanë kryer pagesën e kësteve paraprake të TF dhe TFTH
KUJDES! Saktësoni të dhënat e llogarive bankare në e-Filing:
Llogaria bankare duhet të jetë në monedhën Lek
Llogaria bankare duhet të jetë aktive në një nga bankat e nivelit të dytë”, shkruan Administrata Tatimore.
Tatimi i parapaguar nga mbi 6450 profesionistë në vlerën 501 milionë lekë do t’u kthehet brenda 31 dhjetorit të këtij viti. Nga Gjykata Kushtetuese u vendos më 27 Qershor 2024 unanimisht rrëzimi i nenit 69 që diskriminonte profesionistët e lirë nga tatimi prej 15%. Tatimi i profesionistëve të lirë do të fillojë në vitin 2029, njësoj me bizneset e tjera. Nga ky ligj do të prekeshin rreth 29 mijë profesionistë të lirë.
VAZHDO TË LEXOSH MË TEPËR PËR TEMËN
Hiqet TVSH nga zero për profesionet e lira
Ekspertët: Jo, tatimit progresiv mbi profesionistët e vetëpunësuar
