Kryeministri Ramush Haradinaj ka folur sërish për taksën e Kosovës ndaj Serbisë.
Haradinaj është shprehur se qeveria do ta pezullonte përkohësisht taksën vetëm nëse do të merrte një garanci ndërkombëtare që do të ndihmonte në nënshkrimin e një marrëveshjeje përfundimtare.
“Përkundrazi, Qeveria e Kosovës do ta pezullonte përkohësisht taksën, vetëm pas garancës ndërkombëtare, se do të ulemi për ta nënshkruar marrëveshjen përfundimtare, e cila duhet të rezultojë me njohjen reciproke.
Garanca do të thotë që ekziston një materie, kontratë e dakorduar në parim dhe pret vetëm nënshkrimin e kësaj marrëveshjeje, që rezulton me njohje.
Jam thellësisht i bindur për mundësinë e arritjes së marrëveshjes gjithëpërfshirëse ligjërisht obliguese me Serbinë, që rezulton me njohje.
Ne intensivisht po punojmë për një kontratë përfundimtare, marrëveshje finale, me ç’rast edhe dorëzuam Librin e Madh me kapituj dhe Draftin e kësaj marrëveshjeje.
Tërë këtë përmbajtje e kemi zhvilluar me qëllim për t’u siguruar se kur ulemi me Serbinë të kemi materie të qëndrueshme, me fakte dhe argumente”, ka deklaruar Haradinaj.
Sipas tij, vendosja e taksës ndaj produkteve të Serbisë nuk ka për qëllim pengimin e arritjes së marrëveshjes me Serbinë, që rezulton me njohje.
VAZHDO TË LEXOSH MË TEPËR PËR TEMËN
‘Taksa 100% largohet pas njohjes nga Serbia’
‘Jemi gati të shqyrtojmë heqjen e tarifës 100%’
