23.01.2019 - 12:05
Ylli i muzikës, Chris Brown përfundoi në paraburgim një ditë më parë në Francë, pasi u akuzua për përdhunim nga një 24-vjeçare, por tashmë ngjarja ka marrë tjetër rrjedhë.
Këngëtari është lënë i lirë, ndërsa avokati i tij ka bërë të ditur se do të paraqesë një padi ndaj 24-vjeçares për shpifje.
“Chris Brown është i lirë. Nuk është ngritur asnjë padi kundër tij. Një ankesë për shpifje do t’i dorëzohet nesër (24 janar) prokurorit publik të Parisit”.
Modelja e akuzoi Chris se e çoi atë në një hotel luksoz në Paris dhe e përdhunoi “dhunshëm”. Këngëtari hodhi poshtë pretendimet duke thënë se nuk ka qëndruar asnjëherë vetëm me modelen. Sipas TMZ, Chris ka qenë gjatë gjithë kohës në dhomën e ndenjes në suitë me rreth 20 njerëz pranë.
