Vjeshta po troket, dhe për të gjithë ju që po mendonit të bënit disa ditë më tepër plazh, planet tuaja nuk do ecin.
Kjo javë nis me reshje, që do të prekin shumicën e qarqeve, duke u shoqëruar edhe me shtrëngata.
Kështu të paktën parashikon IGJEUM, teksa publikon buletinin e fundit për motin në vend.
Reshjet
Priten reshje të dobëta në shumicën e qarqeve dhe lokalisht do të jenë mesatare. Në qarqet Shkodër, Lezhë, Dibër, Tiranë dhe Elbasan reshjet do të jenë mesatare dhe lokalisht do të arrijnë deri intensive (siç tregohet në tabelë, respektivisht për secilin qark). Reshjet do të shoqërohen me shtrëngata në të gjithë vendin.
TEMPERATURAT
Temperaturat minimale dhe maksimale të ajrit pritet të arrijnë:
në bregdet: 20 / 27 °C
në vendet e ulëta: 19 / 29 °C
në vendet malore: 12 / 25 °C
ERA do të fryjë mesatare, në bregdet deri e fortë.
